من غشنا فليس منا

الســــلام عليكم .......
اخباركم ياحلوات؟ ان شاء الله بخير

انا عندي سالفه ودي اقولها لكم
في البيت ما خليت ولا واحد ما قلتها له

المهم اقولكم السالفه:
طبعا انا في اول ثانوي وكان علينا اختبار مادة الاحياء والماده هذي صعبه شوي

المهم جاء وقت الاختبار وكان جنبي صديقتي وجنب صديقتي صديقتي الثانيه

وهم ماذاكروا زين وقلتلهم ماعليكم انا جنبكم غشوا مني وهم ماصدقوا غشوا

المهم جاء اليوم الثاني ودخلت علينا استاذه الاحياء وقالت وين(سنا) يعني انا

قلت نعم استاذه قالت تعالي جيتها وانا خايفه لأنها شديده شوي المهم نادت

صديقاتي الي كانوا جنبي قالت :صفوا على السبوره وصفينا وعطتنا اوراقنا

الي اختبرنا فيها وقالت(سنا) اقري السؤال الأخير لأن صديقاتي ماغشوا غير

السؤال الأخير المهم قريته السؤال والجواب قالت الاستاذه ممتاز صح وقالت

الأستاذه لصديقتي اقري نفس السؤال والجواب طلع نفس جوابي وكررت

الاسلوب الى نهاية الأسئله وطلع اجوبة صديقاتي نفس اجوبتي وبنات فصلي

قاعدين يضحكون لأن اشكالنا تضحك واحنا نقرأ الأسئله المهم قالت الأستاذه :

(سنا) غشيتي قلت انا والله العظيم ماغشيت قالت أكيد قلت أقسم بالله

ماغشيت والله العظيم ماغشيت من الخوف قعدت احلف قالت خلاص ارجعي

مكانك و قالت الأستاذه انا أصلن شاكه بـ(سنا) انها ماغشت المهم قالت

الأستاذه لصديقتي غشيتي قالت صديقتي ايه << صريحه صديقتي ماشاء

الله عليها المهم قالت الأستاذه اي سؤال قالت صديقتي هذا وهذا وقلت

الأستاذه ممتاز وكررته على صديقتي الثانيه واعترفت صديقتي وبعدين اخذت

الأستاذه الاوراق وراحت وانا الحمد الله ماغشيت شئ

وبعدها توبه ما غشش احد

وسلامتكم هذي السالفه

تحياتي يا الغاليات....