كيك كاكاو بارد

اشلونكم بنات ؟ إن شاء الله تكونون بخير يارب
حبيت أشارك معاكم بطبق حلو بارد وطعمه روعة بشهادة كل من ذاقه
والأحلى إنه سهل وماياخذ من وقتكم
نبدأ بالمقادير :


1 باوند كيك فانيليا
1 باوند كيك كاكاو
4 قيمر كي دي دي صغار أو 2 كبار
1 علبة كريمة جاهزة المراعي حجم 250 مللي أو أي نوع كريمة
رشة فانيليا
2 ظرف دريم ويب
5 ملاعق كبار كاكاو بودرة
فليك للتزيين

الطريقة :

1- نقطع الكيك على شكل مكعبات ونصفه بالبايريكس بشكل عشوائي
2-نخلط مقادير الكريمة كلها مع بعض بالخلاط من غير بودرة الكاكاو
3-بعدين نحط نص الخليط فوق الكيك
4-نضيف بودرة الكاكاو فوق باقي الكريمة ونخلطها بالخلاط
5-نحطها فوق الكيك والكريمة
6-نزين الطبق بالفليك أو صوص الشيكولاته الجاهز حسب ذوق
7-نحطها بالثلاجة لما تبرد وتقدمينها باردة
( كل ما طولت بالثلاجة الكيك يتشرب بالكريمة ويصير ألذ )

وبالعافيه

اتمنى انكم فهمتم علي