السلام عليكم ورحمهـ الله وبركاته
اول شيئ شوفي اختاري لون لفصلك علشان تمشين الديكور كله عليه ..مثلاً (
الليموني مع الأخضر العشبي ) جداً راقي ولون مشرق في الفصل ..
بالنسبة للشبابيك .. صلحي لها ستارة عاديه بلون ليموني ساده .. وإذا
ماحبيتي تسزين ستارة في الفصل .. اشتري أغصان أوراق الشجر البلاستيك ..
وثبتيها على الجدار فوق الشبابيك بحيث تكون متدليه ونازلة على الشبابيك ((
عاد نسقيها بطريقة حلوة ))
بعدين جيبي إطار خاص بالجدران ( موجود بالمكتبات ) ومشي هالإطار حوالين
الفصل دار ما دار بحيث يكون في النص .. لا ترفعينه فوق ولا تنزلينه تحت ..
في النص بال
.. وحاولي يكون نقشة هالإطار من اللونين اللي اخترتيهم
مثلاً الليموني والعشبي ..
بالنسبة للبورد اللي موجود في الخلف .. لبسيه بورق لاصق لون ساده (( الليموني مثلاً)) وبعدين حطي حوالينه من نفس إطار الجدار ..
وفي هالبورد الخشبي .. سوي إرشادات عامة للطالبات أو جدول الحصص أو أي شي متعلق بدروس الطالبات ..
أنا ودي إني أقدر أصور فصلي علشان تفهميني أكثر ,,, بس مو مشكلة ..
حطي مجلة حائط بالفصل أو لوحة إعلانات .. وطريقتها إنك تجيبين فلين سميك على شكل مربع ..
بعدين لبسيه بورق كريشه لون ليموني ( أزعجتك بالليموني
[ندعوك للتسجيل في المنتدى أو التعريف بنفسك لمعاينة هذه الصورة] )
وبعدين هاتي قماش كتان من نفس لون الكريشة وصمغيه على الفلين بحيث يكون على شكل ستارة مفتوحة ومربوطة من الجوانب
سوي كشكشة من فوق بورق الكريشة لون عشبي .
سوي فيونكات من نفس ورق الكريشة العشبي وصمغيها في جوانب الستارة المربوطة ..
للسبورة .. اطبعي بالكمبيوتر كلمة ( التاريخ ) وكلمة ( اليوم ) وكلمة (
موضوع الدرس ) .. إلخ من البيانات اللي نكتبها كل يوم على السبورة ..حطيها
داخل صور مناسبة مثل صورة تقويم واكتبي داخلها التاريخ ،، صورة كتاب واكتبي
داخلها ( المادة )...
بعدين سوي لها تغليف حراري ( مثل تغليف البطاقات المدنية ) وقصيها على حواف
الكلمة أو الصورة وثبتيها على السبورة في المكان المعتاد لكتابة التاريخ
والموضوع وخلافه .. وبكذا تترتب السبورة ومايحتاج كل شوي نكتب هالبيانات
ونمسح فيها ..
أنا عندي أفكار كثيرة بس اخليها لطالبات الابتدائي
[ندعوك للتسجيل في المنتدى أو التعريف بنفسك لمعاينة هذه الصورة] أتمنى اللي قدمته يساعدك لو بشي بسيييييييييييييييييييييييط
بااااااااااااااااااااااي